شيد قصورك ع المزارع ... من كدنا وعمل إدينا  

والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبة ... دقت ساعتنا وابتدينا

نسلك طريق مالهش راجع ... والنصر قرب من عنينا

لينك التحميل

http://www.4shared.com/mp3/K_sAeBS8/__online.html

إقرأ التفاصيل ...

أيادي مصرية سمرا ليها في التمييز

ممدودة وسط الزئير بتكسر البراويز

سطوع لصوت الجموع

 شوف مصر تحت الشمس

آن الآوان ترحلي يا دولة العواجيز

عواجيز شداد مسعورين أكلوا بلدنا اكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلني قتلي ما هيعيد دولتك تاني

بكتب بدمي حياة تانية لأوطاني

--------------------------------------------------------------

لتحميل القصيدة بصيغة mb3

http://www.4shared.com/mp3/-iFITNnh/___online.html

إقرأ التفاصيل ...

ما نرضاش يخاصم القمر السما 

ما نرضاش 

تدوس البشر بعضها

ما نرضاش

يموت جوه قلبي نداء 

ما نرضاش

تهاجر الجذور أرضها 

ما نرضاش

قلبي جوا يغني و أجراس تدق لصرخة ميلاد

تموت حته مني الأجراس بتعلن نهاية بشر من العباد

دي الحكمة قتلتني و حيتني وخلتني أغوص في قلب السر

قلب الكون قبل الطوفان ما ييجي خلتني أخاف عليك يا مصر

واحكيلك على المكنون

مين العاقل فينا مين المجنون

مين الي مدبوح من الألم

مين اللي ظالم فينا مين مظلوم

مين اللي ما يعرفش غير كلمة نعم

مين اللي محنيلك خضار الفلاحين غلابة

مين اللي محنيلك عمار عمالك الطيابة

مين اللي ببيع الضمير مين يشتري مين يشتري بيه الدمار

مين هو صاحب المسألة والمشكلة والحكاية والقلم

رأيت كل شيء وتعبت على الحقيقة

قابلت في الطريق عيون كتيرة بريئة

أعرف بشر عرفوني لأ لأ ما عرفونيش

قبلوني وقبلتهم

بمد ايدي لأ طب ليه ما تقبلنيش

لا يهمني اسمك لا يهمني عنوانك لا يهمني لونك ولا ولادك ومكانك

يهمني الانسان ولو ما لوش عنوان

يا ناس يا ناس هي دي الحدوتة

حدوتة مصرية 

http://www.4shared.com/mp3/LwTGFp5d/7adouta.html?

إقرأ التفاصيل ...